काठमाडाैं । इरानको मिसाइल आक्रमणबाट इजरायलका दुई सहरमा कम्तीमा १८० जना घाइते भएका छन्।

गएको राति इरानले इजरायलको दक्षिणी सहर डिमोना र अरादमा दुई छुट्टाछुट्टै मिसाइल आक्रमण गरेको थियो। डिमोना इजरायलको मुख्य आणविक केन्द्र रहेको सहर हो।

युद्ध सुरु भएयता यो सबैभन्दा ठूलो तनावपूर्ण घटना मध्ये एक मानिएको छ।

इरानी सरकारी टेलिभिजनले यी आक्रमणलाई Natanz स्थित आणविक केन्द्रमा भएको भनिएको हमलाको “जवाफ” भनेर जनाएको छ।

इजरायलको स्वास्थ्य मन्त्रालयका अनुसार डिमोनामा कम्तीमा ६४ जना घाइते भएका छन् भने अरादमा कम्तीमा ११६ जना घाइते भएका छन् । दुवै स्थानका घाइतेमध्ये ८ जनाकाे अवस्था गम्भीर छ ।