काठमाडौं । साताको अन्तिम कारोबारको दिन पनि सेयर बजार घटेको छ । साताको सुरुवातदेखि नै आरोलो लागेको बजार बिहीबार पनि कायम रह्यो । बजार १२.३८ अंक घटेर बजार मापक २६६९.७६ विन्दुमा कायम छ ।

६२ कम्पनीको सेयर मूल्य बढ्दा १७५ कम्पनीको सेयर मूल्य घटेको छ । सात कम्पनीको सेयर मूल्य स्थिर रह्यो ।

सूचक घटे पनि दोल्ती पावर, एसियन हाइड्रो, सिन्धु विकास बैंक, गार्डियन माइक्रो फाइनान्स, श्वेत–गंगा हाइड्रो उच्च कमाउने शीर्ष स्थानमा रहे ।

यस्तै, मिथिला लघुवित्त, भूगोल इनर्जी, गरिमा समृद्धि योजना, उपकार लघुवित्त, कुथेली–बुखरी स्मल हाइड्रोलगायत कम्पनी उच्च गुमाउने शीर्ष स्थानमा रहे ।

९५ लाख ९९ हजार ३४३ कित्ता सेयर चार अर्ब ५६ करोड, १३ लाख ११ हजार २८२ रुपैयाँबराबरको सेयर किनबेच भएको छ । समूहगत उपसूचकतर्फ जीवन बिमा बाहेकका सूचक घटेका छन् । जीवन बिमा ०.०३ प्रतिशतले बढेको छ ।