हैदाराबाद । साउथ सिनेमाका चर्चित अभिनेता प्रभासले आफ्नो उत्कृष्ट अभिनयले सबैको मन जितेका छन् । प्रभासले पनि आफ्नो अभिनयबाट करोडौं युवतीको मन जितेका छन् ।

तर, तपाईका लागि ल्याएको खबरले लाखौं केटीहरूको मन तोड्न सक्छ।  प्रभास अब दुल्हा राजाको रूपमा घोडा चढ्न तयार भएका छन् । एक व्यापारीकी छोरीसँग उनको सम्बन्ध फाइनल भएको खबर आएको छ ।

प्रभास ४५ वर्षको उमेरमा दुलहा बन्न लागेका हुन् । उनका फ्यानहरु लामो समयदेखि अभिनेताको विवाहको प्रतिक्षामा थिए, अब फ्यानहरुको प्रतिक्षाको घडी समाप्त हुन लागेको छ । प्रभासले बाहुबलीको  ‘देवसेना’ अनुष्का शेट्टीसँग ७ फेरा लगाउने छन, त्यस्तो होइन, बरु उनी एक व्यापारीको ज्वाइँ बन्न लागेका छन् ।

न्यूज १८ तेलुगुको रिपोर्ट अनुसार प्रभासको परिवारले सुपरस्टारका लागि दुलही फेला पारेको हो । यद्यपी ती युवती को हुन् र के गर्छिन् ? भन्ने बारेमा भने खुलाइएको छैन । बालिकाका बुबा हैदराबादका ठूला व्यापारी हुन्। हाल प्रभासको विवाहको महत्वपूर्ण विवरण गोप्य राखिएको छ ।

प्रभासले छिट्टै व्यापारीकी छोरीसँग विवाह गर्ने खबर पनि छ । परिवारले विवाहको तयारी सुरु गरेको बताइएको छ । श्यामला देवी (प्रभासकी काकी) विवाहको सम्पुर्ण तयारी हेर्दैछिन् । तर, यी बाहेक अन्य कुनै पनि ठूलो जानकारी बाहिर आएको छैन्।

प्रभास सन् २०२४ मा आएको फिल्म ‘कल्की २८९८ एडी’ वाट थप चर्चामा थिए। फिल्ममा अमिताभ बच्चन, कमल हासन र दीपिका पादुकोणजस्ता दिग्गज कलाकारहरू पनि थिए। यो फिल्मले ११ सय करोडभन्दा बढी कमाई गरेर ब्लकबस्टर साबित भएको थियो ।

अहिले प्रभास ‘द राजा साब’ र ‘फौजी’ फिल्ममा व्यस्त रहेका छन् । ‘एनिमल’ र ‘कबीर सिंह’ जस्ता ब्लकबस्टर फिल्म बनाएका निर्देशक सन्दीप रेड्डीको फिल्म ‘स्पिरिट’को छायांकन पनि प्रभासले चाँडै सुरु गर्न लागेको खबर आइसकेको छ ।

तर अहिलेका लागि प्रभासले ‘कन्नप्पा’ मार्फत फ्यानलाई चकित पार्न लागेका छन् । २५ अप्रिलमा रिलिज हुने अभिनेता विष्णु मन्चुको यो फिल्ममा प्रभास क्यामियो गर्दै देखिने छन् ।

यसैबिच, उनको बिबाहको तयारी पनि साथसाथै भइरहेको समाचारले फ्यानहरू प्रभासले बल्ल जोडी भेटेको भन्दै खुसी भइरहेका छन् ।