काठमाडौं । नेपाल बार एशोसिएसनको नयाँ नेतृत्वका लागि भएको निर्वाचनको मतगणना जारी छ ।

मंगलबार बिहान सवा ११ बजेसम्मको परिणाममा अध्यक्षमा कांग्रेस–एमाले गठबन्धनका उम्मेदवार डा.विजय मिश्रले अग्रता लिइरहेका छन् । उनलाई माओवादी केन्द्रका रमन कुमार श्रेष्ठले पछ्याइरहेका छन् ।

मिश्रले ८६९ मत पाउँदा श्रेष्ठलाई ५२९ मत प्राप्त भएको छ।

अध्यक्षका अन्य प्रत्यासी राजु कैनीले ६, आशिष पौडेलले ६ र उज्ज्वल घिमिरेले २ मत पाएका छन् ।

यस्तै महासचिवमा मिश्रकै प्यानलका केदार प्रसाद कोइराला अगाडि छन् । कोइरालाले ८७१ मत पाएका छन् । यसैगरी श्रेष्ठ प्यानलका उम्मेदवार यज्ञमणि न्यौपानेले ४५६ मत पाएका छन् ।