काठमाडौं । काठमाडौंको सुन्धारास्थित आकाशे पुलमुनि एक सर्वसाधारणमाथि चार ट्राफिक प्रहरीले गरेको कुटपिट घटनामा संलग्न सबै प्रहरीलाई जिम्मेवारीबाट हटाइएको छ ।

काठमाडौं उपत्यका ट्राफिक प्रहरी कार्यालयका प्रवक्ता दीपक गिरीका अनुसार घटना मंसिर ११ गते भएको हो । भिडियो बिहीबार बिहान सार्वजनिक भएपछि चारै जनालाई कार्यालयमा झिकाएर अनुसन्धान सुरु गरिएको छ ।

भिडियोमा देखिए अनुसार, ट्राफिक प्रहरीले एक व्यक्तिलाई लडाएर बुटले प्रहार गरेका थिए र उनको कागजपत्र भुइँमा फ्याँकेका थिए । घटनाले सामाजिक सञ्जालमा चर्को आलोचना खेपेको छ ।