काठमाडौँ । मानव बेचबिखनको अभियोगमा पक्राउ परेकी टीकापुर नगरपालिका-१की ५० वर्षीया मीना शाही दमाई आज हतकडीसहित फरार भएकी छन् ।

मानव बेचबिखन मुद्दामा पुन:म्याद थपका लागि इलाका प्रहरी कार्यालय टीकापुरको टोलीले आज धनगढीस्थित कैलाली जिल्ला सरकारी वकिलको कार्यालयमा पुर्‍याइएकामा उनी हतकडीसहित फरार भएकी हुन् ।

इलाका प्रहरी कार्यालयका प्रहरी नायब उपरीक्षक नवीनराज बुढाथोकीले प्रहरी टोलीले म्याद थपका लागि सरकारी वकिलको कार्यालय पुर्‍याएको बेला शाही फरार भएकी बताए ।

निजलाई आफन्त नातापर्ने बालिकालाई भारतमा बेचबिखन गरेको जाहेरी परेपछि यही वैशाख ४ गते पक्राउ गरिएको थियो ।