काठमाडौं । क्रिकेटर सन्दीप लामिछानेले नेपाल क्रिकेट संघको केन्द्रीय सम्झौतामा नरहने निर्णय गरेका छन् ।

बुधबार सामाजिक सञ्जालमार्फत् आफू सेन्ट्रल कन्ट्रयाक्टबाट बाहिरिने निर्णय गरेको बताएका हुन् ।

उनले लेखेका छन्, “धेरै सोचविचारपछि मैले यस पटकको लागि नेपाल क्रिकेट सङ्घको केन्द्रीय सम्झौताअन्तर्गत निरन्तरता नदिने निर्णय गरेको छु । यो क्रिकेट वा मेरो राष्ट्रबाट एक कदम टाढा होइन । यो व्यक्तिगत र व्यावसायिक रूपमा विकास गर्ने दिशामा एक कदम हो ।”

उनले थप भने, “म अगाडिको बाटोको लागि उत्साहित छु — क्रिकेटसँग र त्यसभन्दा बाहिर ।”