काठमाडौं। फेरिल्यान्ड र केभीकेएसएस आठौं बीएनए कप अन्तरविद्यालय बास्केटबल प्रतियोगिताको सिनियर गल्र्समा शुक्रबार सेमिफाइनलमा प्रवेश गरेका छन् ।

बसुन्धरास्थित आयोजक बसुन्धरा नेसनल एकेडेमी (बीएनए) को कोर्टमा फेरिल्यान्डले न्युटनलाई ३०–२५ ले पराजित ग¥यो । फेरिल्यान्डको जितमा रेणुका तामाङले ९ अंक योगदान गरिन् । खुशी मितोकको १६ अंक सहयोगमा केभीकेएसएसले लालीगुराँस नेसनल एकेडेमीलाई २५–२० ले हरायो ।

सिनियर गल्र्समै भ्याली पब्लिकले जेबी स्कुललाई ३९–२२ तथा ग्रिनल्यान्डले टीआईएलाई ४६–२९ ले पाखा लगाउदै सेमिफाइनलमा स्थान सुरक्षित गरे । भ्याली पब्लिककी लोरिशा गौचनले १५ तथा ग्रिनल्यान्डकी प्रियंका चन्दले २३ स्कोर गरे ।

सेमिफाइनलमा ग्रिनल्यान्डको भेट केभीकेएसएससंग हुनेछ भने भ्याली पब्लिकले फेरिल्यान्ड विरुद्ध खेल्ने छ ।
जुनियर ब्वाइजमा न्युटनले स्किब्सलाई २९–१९, भ्याली पब्लिकले गोल्डेनपिकलाई ४१–४०, ग्रिनल्यान्डले पारामाउन्ट एकेडेमीलाई २७–२२ र लालीगुराँसले क्यान्भास बसन्त ऋतुलाई ३३–१७ ले पन्छ्याउदै सेमिफाइनलमा स्थान पक्का गरे । न्युटनका आशिष राईले १२, भ्याली पब्लिकका विधान भण्डारीले १६, ग्रिनल्यान्डका आशुतोष बोहराले ९ र लालीगुराँसका प्राण मल्लले ९ अंक जोडे ।

सेमिफाइनल भ्याली पब्लिक र ग्रिनल्यान्ड तथा न्युटन र लालीगुराँसबीच हुनेछ । दुवै समूहको सेमिफाइनल शनिबार हुनेछ ।