काठमाडौं । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रको बन्दी प्रत्यक्षीकरण मुद्दामा आज बहस सकिएको छ । आजै आदेश आउने तयारी रहेको अदालत स्रोतले बतायो ।

सर्वोच्च अदालतको ५ नम्बर इजलासमा न्यायाधीशद्वय कुमार चुडाल र तिलप्रसाद श्रेष्ठको इजलासमा मुद्दाको सुनवाइ भएको हो । मिश्रका तर्फबाट कानून व्यवसायीहरू भीमार्जुन आचार्य, सतिश खरेल, गोविन्द्र बन्दी, राजु बस्नेत र विष्णु भट्टराईले बहस गरेका थिए । उनीहरूले मिश्रलाई हिरासतबाहिरै राखेर अनुसन्धान गर्न माग गरे ।

नियतवस प्रहरीले गैरकानूनीरुपमा थुनावास लम्ब्याइरहेको उनीहरूको गुनासो थियो ।