काठमाडौं । नुवाकोटको त्रिशूलीबाट काठमाडौ आउँदै गरेको एउटा ईभी भ्यान भिरबाट खस्दा नाै जना घाइते भएका छन् । प्रहरीका अनुसार बागमती प्रदेश ३ ०८५४ नम्बरको  भ्यान शिवपुरी ७ गुरुङ गाउँमा दुर्घटनामा परेको हो । अस्थायी प्रहरी पोस्ट गुर्जेभन्ज्याङको प्रहरी टोलीले चालक ३६ वर्षीय रवि बस्नेतलाई नियन्त्रणमा लिएको छ । 

घाइतेहरूको अवस्था सामान्य रहेको प्रहरीले जनाएको छ । घाइतेहरूलाई उपचारका लागि काठमाडौं ल्याइएको  छ । घाइते हुनेमा लक्ष्मी खड्गी – ४६, मैना राई – ३८, सिर्जना लामा – २५, बिपना अर्याल – १८, नरसमान लामा– २८, विजय लामा – १८, सरस्वति राई – ३९, श्याम डँगौरा ३४ र महेन्द्र श्रेष्ठ – २५ वर्षका रहेका छन् ।