काठमाडौं । कलाकार मरिचमान श्रेष्ठ ‘बल्छी धुर्बे’ले फिल्म निर्माण गर्ने भएका छन् । उनले ‘गोबर गणेश’ नामक फिल्म निर्माण र निर्देशन गर्न लागेका हुन् ।

फिल्मको नाम विकास बोर्डमा दर्ता भइसकेको छ । फिल्ममा सीतादेवी तिमल्सिना र पूजन घिमिरेको अभिनय रहने तय भएको छ ।

फिल्मको कथा अहिले खुलाइएको छैन । केही समयमै फिल्मको टाइटल पोस्टर सार्वजनिक गर्दै फिल्मबारे विस्तृत जानकारी दिने उनको तयारी छ ।

फिल्मको छायांकन भदौदेखि सुरु हुने अपेक्षा गरिएको छ । ‘मेरी बास्सै’ चर्चामा आएका कलाकार मरीचमान पछिल्लो समयमा ‘हल्का रमाइलो’ र ’जुठे’ सिरियलमा देखिँदै आएका छन् ।