काठमाडौं । काठमाडौँ जिल्ला अदालतले राष्ट्रिय प्रजातन्त्र पार्टीका वरिष्ठ उपाध्यक्ष रविन्द्र मिश्रलाई धरौटीमा रिहा गर्न आदेश दिएको छ ।

मंगलबारको थुनछेक बहसपछि तारादेवी महर्जनको इजलासले उनलाई तीन लाख धरौटी माग गरेकाे हाे ।

तीनकुनेमा चैत १५ गते भएको हिंसात्मक आन्दोलनपछि मिश्र पक्राउ परेका थिए । मिश्रलगायतलाई राज्यविरुद्धको कसुर, अपराधिक उपद्रव, संगठित अपराध र एकीकृत कसुरमा अदालतमा मुद्दा दायर गरिएको थियो।

साेही मुद्दाका आराेपी राप्रपा महामन्त्री धवलशमशेर राणा पनि साेमबार तीन लाख धरौटीमै रिहा भएका थिए।