काठमाडाैं । मलेसियामा जारी एसीसी पुरुष यू-१६ इस्ट जोन कप एक दिवसीय क्रिकेटमा नेपालेले लगातार दोस्रो जित हासिल गरेको छ।

मंगलबार बिहान भएको खेलमा नेपालले जापानलाई ९ विकेटको फराकिलो अन्तरले पराजित गरेकाे हो। जापानले दिएको ८१ रनको झिनो लक्ष्य नेपालले १४.२ ओभरमा एक विकेटको क्षतिमा भेट्टायो।

यसअघि आफ्नाे पहिलाे खेलमा नेपालले सिंगापुरलाई ५ विकेटले हराएको थियो ।

जापानको भने जारी प्रतियोगितामा यो पहिलो हार हो। जापानले पहिलो खेलमा भुटानलाई २ सय १५ रनले हराएको थियो।

याेसँगै नेपाल ४ अंकमा समूह ए को अंक तालिकाको शीर्ष स्थानमा उक्लेको छ। यस्तै जापान २ अंकमा दोस्रो स्थानमा छ भने सिंगापुर तेस्रो स्थानमा छ।