जुम्ला।जुम्लामा चट्याङ पर्दा १ सय ९७ भेडा मरेका छन् । जुम्लाको गुठिचौर गाउँपालिका–५ ठुुलोहाँका पाटनमा सोमबार साँझ करिब ४ बजेको समयमा परेको चट्याङले १ सय ९७ भेडा मरेका हुन् ।

चट्याङमा परि सिंजा गाउँपालिका वडा नं. ५ का ५१ वर्षीय धन बहादुर रावत गम्भीर घाइते भएको जिल्ला प्रहरी कार्यालय जुम्लाका डिएसपी रविन बाबू रेग्मीले बताए । घाइते रावतको सुरक्षाकर्मीले उद्धार गरेर ल्याई कर्णाली स्वास्थ्य विज्ञान प्रतिष्ठानमा उपचार भइरहेको छ ।

नेपाल प्रहरी, नेपाली सेना ,सशस्त्र प्रहरी र स्थानीयको टोलीले घटना स्थलमै पुगेर गणना गर्दा चट्याङबाट ६ जना किसानका १ सय ९७ वटा भेडा मरेको प्रहरीले पृष्टी गरेको छ । सिंजा गाउँपालिका वडा नं. ५ का भेडा पालक किसान धन बहादुर रावत र गोविन्द बुढा सहित ६ जना किसानका १९७ भेडा मरेको डिएसपी रेग्मीको भनाइ छ।