काठमाडौं। नेपाल प्रिमियर लिग क्रिकेट (एनपीएल) को फ्रेन्चाइजी काठमाडौं गुखार्जले दोस्रो सिजनका लागि मोन्टी देसाईलाई मुख्य प्रशिक्षक नियुक्त गरेको छ ।

नेपाली राष्ट्रिय क्रिकेट टोलीका पूर्व प्रशिक्षक देसाईलाई काठमाडौंले मुख्य प्रशिक्षकका रुपमा अनुबन्ध गरेको जानकारी बिहीबार सामाजिक सञ्जालमार्फत् दिएको छ ।

काठमाडौंका लागि करण केसी मार्की प्लेयरका रुपमा छन् । पहिलो सिजनमा काठमाडौंले गतिलो प्रदर्शन गर्न सकेको थिएन ।

मोन्टीले सन् २०२३ देखि दुई वर्ष नेपाली राष्ट्रिय पुरुष टोलीको क्रिकेट टिम सम्हालेका थिए । उनको प्रशिक्षणमा नेपालले दोस्रोपटक टी–२० विश्वकप प्रतियोगिता खेलेको थियो ।