काठमाडौं । भुटानमा हुने साफ यू–१७ महिला च्याम्पियनसिप खेल्ने नेपाली टिमको सहायक प्रशिक्षकमा रितेश मल्ल नियुक्त भएका छन् । आइतबार एन्फाले मल्ललाई टोलीको सहायक प्रशिक्षकमा नियुक्त गरेको हो ।

प्रतियोगिता आगामी अगष्ट २० देखि ३० सम्म भुटानको थिम्पुस्थित चाङ्लिमिथाङ रंगशालामा हुनेछ ।

प्रतियोगितामा नेपालले पहिलो खेल भारतसँग सामना गर्नेछ । प्रतियोगिताको उद्घाटन खेल समेत रहेको यो खेल भदौ ६ गते (अगष्ट २०) हुनेछ ।

त्यसपछि नेपालले भदौ ८ गते (अगष्ट २२) भुटान, भदौ १० गते (अगष्ट २४) बंगलादेश, भदौ १३ गते (अगष्ट २७) बंगलादेश, भदौ १५ गते (अगष्ट २९) पुनः बंगलादेश र भदौ १७ गते (अगष्ट ३१) पुनः भुटानसँग खेल्ने तालिका छ ।

यसअघि एन्फा टोलीको मुख्य प्रशिक्षकमा चेतनारायण श्रेठलाई मुख्य प्रशिक्षक, सहायक प्रक्षिकमा नरेश थापा, चन्द्रादेवी दाहाललाई एन्फाले टोलीको गोलकिपर प्रशिक्षक र म्यानेजरमा नेपाली राष्ट्रिय महिला फुटबल टोलीकी पूर्वकप्तान निरु थापालाई नियुक्त गरेको थियो ।

एन्फाका महासचिव किरण राईले आइतबार नै नवनियुक्त सहायक प्रशिक्षक मल्ललाई नियुक्ति पत्र हस्तान्तरण गरका थिए ।