काठमाडौं । नेपाली बजारमा लगातार सोमबार पनि सुनको मूल्य बढिरहेको छ ।

नेपाल सुनचाँदी व्यवसायी महासंघकाअनुसार गत हप्ताको बिहीबारदेखि सुनको भाउ निरन्तर बढिरहेको हो । आज छापावाल सुनको मूल्य तोलामा ४ सय रुपैयाँले बढेर १ लाख ९३ हजार ७ सयमा कारोबार भइरहेको छ ।

गत बिहीबार सुनको मूल्य तोलामा ३ सय रुपैयाँले बढेर १ लाख ९२ हजार ३ सयमा कारोबार भएको थियो । यस्तै शुक्रबार पनि सुनको भाउ २ सय रुपैयाँले बढेर १ लाख ९२ हजार ५ सयमा कारोबार भएको थियो ।

हिजो आइतबार समेत तोलामा ८ सय रुपैयाँले बढेर १ लाख ९३ हजार ३ सय रुपैयाँमा कारोबार भएको सुन आज पनि बढेको हो ।

महासंघकाअनुसार आज चाँदीको मूल्य भने स्थिर रहेको छ । चाँदी तोलाको २ हजार २ सय ८५ रुपैयाँमा कारोबार भइरहेको छ ।