कैलाली।गोदावरी-८ स्याउलेबाट भरूवा बन्दुक दुई थानसहित दुई जनालाई बिहीबार राति प्रहरीले पक्राउ गरेको छ । पक्राउ पर्नेमा स्थानीय राजु चौधरी र चन्द्रबहादुर चौधरी छन् ।

प्रहरीले राजुको घर तलासी गर्दा भरूवा बन्दुक एक थान, चित्तलको सिङ, चित्तलको खुट्टाको आधा भाग फेला पारेको थियाे । यस्तै चन्द्रबहादुरको घर तलासी गर्दा भरूवा बन्दुक एक थान फेला पारेको थियाे । आवश्यक अनुसन्धानका लागि दुवै जनालाई पक्राउ गरिएको इलाका प्रहरी कार्यालय मालाखेतीले जनाएको छ ।