काठमाडौं । बागमती प्रदेशको मुख्यमन्त्रीका लागि नेपाली कांग्रेस संसदीय दलका नेता इन्द्रबहादुर बानियाँले दाबी पेस गरेका छन् ।

बानियाँले संविधानको धारा १६८ को उपधारा २ अनुसारको सरकार गठनका लागि दाबी पेस गरेका हुन् ।

आजै केहिबेरअघि मात्रै बागमती प्रदेश प्रमुख दीपकप्रसाद देवकोटाले नयाँ सरकारका लागि दाबी पेस गर्न आह्वान गरेका थिए । त्यसलगत्तै बानियाँले दाबी पेस गरेका हुन् ।

११० सदस्यीय बागमती प्रदेशसभामा कांग्रेसका ३७ र एमालेका २७ सांसद छन् । यी दुई दलको गठबन्धनसँग स्पष्ट बहुमत छ ।