काठमाडौं । भारतको जम्मू कश्मीरस्थित किश्तवाडमा क्लाउड बर्स्ट भएको छ ।

स्थानीय समयअनुसार बिहीबार दिउँसो १२:३० बजे क्लाउड बर्स्ट हुँदा १० जनाको मृत्यु भएको आशंका गरिएको समाचार एजेन्सी पीटीआईले जनाएको छ । यद्यपि, प्रशासनले अहिलेसम्म कसैको मृत्यु भएको पुष्टि गरेको छैन । २५ भन्दा बढी व्यक्ति घाइते भएका छन् ।

घटना किश्तवार जिल्लाको पद्दार उप-डिभिजनको चाशोटी गाउँमा भएको हो । चाशोटी मचैल माता मन्दिर यात्राको सुरुवात बिन्दु हो । धार्मिक तीर्थयात्राको लागि यहाँ भेला भएका धेरै मानिसहरू बगेको टाइम्स अफ इन्डियाले जनाएको छ ।

मचैल माताको तीर्थयात्रा हरेक वर्ष अगस्टमा आयोजना गरिन्छ। यसमा हजारौं भक्तजनहरू उपस्थित हुन्छन् । यो २५ जुलाई देखि ५ सेप्टेम्बर सम्म चल्नेछ।