काठमाडौं । ‘नाडा अटो शो २०२५’ को दोस्रोदिन पनि अवलोकनकर्ताको उल्लेखनिय उपस्थिति देखिएकाे छ ।

मंगलबारदेखि भृकुटीमण्डपमा सुरु भएको यस प्रदर्शनीमा नयाँ प्रविधि र विभिन्न ब्रान्डका गाडी हेर्न उपभोक्ताको ठूलो घुइँचो लागेको छ ।

याे पटककाे नाडा शाे मा दीपलकाे उड्ने कार मुख्य आकर्षण बनेको छ । प्रदर्शनमा राखिएको यो कार हेर्न आउने दर्शकको चाप शाे काे दोस्रो दिन बुधबार पनि कायमै देखिएको छ ।

शोमा अन्य ब्रान्डका इलेक्ट्रिक तथा पेट्रोल कार, तीन पांग्रे गाडी र माेटरसाइकल प्रदर्शनमा राखिएकाे भए पनि उड्ने कारप्रतिको विशेष आकर्षण देखिएको छ ।