बिहीबार, चैत २६, २०८२

उड्ने वित्तिकै आगोको झिल्को देखिएपछि एयर इन्डियाको विमान आकस्मिक अवतरण

मेरोन्यूज २०८२ भदौ १५ गते १४:४७

काठमाडौँ । दिल्लीबाट इन्दौर उडेको एयर इन्डियाको विमानमा आगोको झिल्को देखिएपछि दिल्लीमै आकस्मिक अवतरण गरिएको छ। 

Advertisement
nepal life insurencenepal life insurence

आइतबार बिहान इन्दौर जाँदै गरेको एयर इन्डियाको उडान एआई २९१३ उडान भरेको केही समयपछि आपत्कालीन अवस्थामा दिल्ली फर्कनु परेको थियो।विमान उड्ने वित्तिकै पाइलटले विमानको दायाँ इन्जिनमा आगो लागेको संकेत पाएपछि दिल्ली फर्काएका थिए। विमानमा ९० जना यात्रुहरू रहेको बताइएको छ।

एयर इन्डियाका प्रवक्ताले विमानलाई अनुसन्धानको लागि ग्राउन्डेड गरिएको बताएका छन्। यात्रुहरूलाई इन्दौर लैजानको लागि वैकल्पिक विमानको व्यवस्था गरिएको उनको भनाइ छ। 

यस घटनाको बारेमा नियामक प्राधिकरणलाई जानकारी गराइएको छ। एयर इन्डियाले यात्रुहरूलाई परेको असुविधाप्रति माफी मागेको छ। 

प्रतिक्रिया