काठमाडौं । जेनजीहरू आन्दोलनका क्रममा ज्यान गुमाएकाहरूलाई राष्ट्रिय सम्मानका साथ अन्त्येष्टि गरिएको छ । त्रिवि शिक्षण अस्पतालबाट शवयात्रासहित मंगलबार पशुपतिस्थिति आर्यघाट पुर्‍याएर मृतकरूको अन्त्येष्टि गरिएको हो।

शवयात्रामा ऊर्जामन्त्री कुलमान घिसिङ र गृहमन्त्री ओमप्रकाश अर्यालसमेत सहभागी थिए। उनीहरूले राष्ट्रिय झन्डा ओढाएर मृतकहरूलाई अन्तिम श्रद्धाञ्जली अर्पण गरेका थिए।

सरकारले जेनजी आन्दोलनमा मृत्यु भएकाहरुलाई शहीद घोषणा गर्ने, राष्ट्रिय सम्मानका साथ अन्त्येष्टि गर्ने र राष्ट्रिय शोक स्वरुप असोज १ गते सार्वजनिक बिदा दिने लगायतका निर्णय गरेको थियो ।

जेनजीहरुले भदौ २३ र २४ गते गरेको प्रदर्शनमा ७२ जनाको मृत्यु भएको छ।