काठमाडौं । साताकाे काराेबारकाे अन्तिम दिन सेयर बजारमा तीन पटक नकारात्मक सर्किट लागेको छ ।

बिहिबार कारोबार खुलेको २ मिनेटमै ४ प्रतिशत घटेपछि नेप्से २० मिनेटको लागि स्थगित भएको थियो। जेन्जी आन्दोलनको असर सेयर बजारमा देखिएको हो ।

पहिलो नकारात्मक सर्किट लागेपछि ११ बजेर २२ मिनेटमा खुलेको बजारमा फेरि नेप्से ११ बजेर २३ मिनेटमा ५ प्रतिशत घटेर दोस्रो नकारात्मक सर्किट लागेको थियो । दोस्रो सर्किट ब्रेकपछि ४० मिनेटका लागि कारोबार स्थगित भयो ।

त्यसपछि १२ बजेर ३ मिनेटमा खुलेको नेप्से फेरि थप १ प्रतिशत घट्न पुग्याे । याे सँगै बिहिबार कुल ६ प्रतिशतले घटेर बजार स्थगित भएकाे छ ।