काठमाडौं । गतिशील डिजिटल बैंकिङ्ग सेवामा अग्रणी भूमिका निभाइरहेको एनआईसी एशिया बैंक ले आफ्ना ग्राहकहरूलाई खातासम्बन्धी विवरणमा ईमेल ठेगाना अद्यावधिक गर्न आग्रह गरेको छ ।

बैंकका अनुसार, डिजिटल सेवा अझ प्रभावकारी बनाउने उद्देश्यले ग्राहकहरूले आफ्नो खातामा दर्ता गरिएको ईमेल ठेगाना छिटो अद्यावधिक गर्नुपर्ने आवश्यकता रहेको छ ।

यसका लागि ग्राहकहरूले https://www.nicasiabank.com/video-kyc/ मा गई भिडियो केवाईसी प्रक्रिया पूरा गर्न सक्नेछन् । साथै, NIC ASIA MoBank मोबाइल एप को My Profile सेक्सनमा गई Change Email विकल्प छनौट गरी पनि ईमेल अद्यावधिक गर्न सकिने बैंकले जनाएको छ ।

बैंकले सुरक्षा र सेवाको सहजता सुनिश्चित गर्न ग्राहकहरूले छिटोभन्दा छिटो ईमेल ठेगाना अद्यावधिक गर्नु आवश्यक रहेको बताएको छ । डिजिटल माध्यममार्फत ईमेल अद्यावधिक गर्न असजिलो भएमा, ग्राहकहरूले आफ्नो नजिकको जुनसुकै शाखामा गई पनि आवेदन दिन सक्ने व्यवस्था मिलाइएको छ ।

ईमेल ठेगाना अद्यावधिकमा कुनै समस्या भएमा, ग्राहकहरूले बैंकको ग्राहक सम्पर्क केन्द्रको १६६०–०१–७७७७१ वा ०१–५९७०१०१ नम्बरमा फोन गरी जानकारी लिन सक्नेछन् ।