काठमाडौं । नेपाल प्रहरीका प्रहरी महानिरीक्षक (आईजीपी) दानबहादुर कार्कीले बिहीबार पदभार ग्रहण गर्दैछन् ।

नेपाल प्रहरीका प्रवक्ता डीआइजी अविनारायण काफ्लेका अनुसार गृह मन्त्रालयमा फुली लगाएपछि उनले नक्सालस्थित प्रहरी प्रधान कार्यालयमा पुगेर पदभार ग्रहण गर्ने कार्यक्रम छ ।गृह मन्त्रालयमा फुली लगाउने कार्यक्रम बिहान पौने ११ बजे रााखिएको छ । त्यसपछि उनले नक्सालस्थित प्रहरी प्रधान कार्यालयमा पुगेर पदबहाली गर्नेछन् ।

निवर्तमान आईजीपी खापुङले उमेर हदका कारण बुधबार अवकास लिएसँगै कार्कीले पदभार ग्रहण गर्न लागेका हुन् । कार्कीको कार्यकाल २०८४ चैत १८ गतेसम्म रहने छ ।