काठमाडौं । नेपाल जेनजी फ्रन्टले प्रधानमन्त्री सुशीला कार्कीका प्रमुख स्वकीय सचिव आदर्शकुमार श्रेष्ठलाई तत्काल श्रेष्ठलाई बर्खास्त गर्न माग गरेको छ ।

श्रेष्ठले आफ्नी श्रीमतीसहित नातेदारलाई नियुक्ति दिलाएकोमा आपत्ति जनाउदै जेनजी फ्रन्टले उनीसंगै उनका नातेदार सबैको नियुक्ति तत्काल खारेज गर्न माग गरेको छ ।

राज्यको कार्यकारी प्रमुखको सचिवालयजस्तो संवेदनशील निकायमा नातावाद, कृपावाद र पारिवारिक सम्बन्धका आधारमा नियुक्ति हुनु पदको दुरुपयोग भएको फ्रन्टले बताएको छ ।

सुशासन, नैतिकता, जवाफदेहीता र पारदर्शीताविरुद्धको प्रत्यक्ष प्रहार भएको नेपाल जेनजी फ्रन्टको ठहर छ ।