काठमाडौं । हङकङको ताई पो क्षेत्रस्थित एक आवासीय क्षेत्रमा भीषण आगलागी हुँदा मृत्यु हुनेको संख्या ४४ पुगेको छ। थुप्रै भवनहरूमा एकसाथ आगो लागेको र धुवाँको मुस्लो उठेको छ। उक्त भवनमा रहेका २७९ जना अझै बेपत्ता रहेको बिबिसीले उल्लेख गरेको छ।

समाचार एजेन्सी रोयटर्सलाई उद्धृत गर्दै बीबीसीले हङकङको वाङ फुक कोर्ट हाउजिङ कम्प्लेक्समा आगलागी भएको जनाएको हो। कम्लेक्सका ८ ब्लकमा कुल २ हजार फ्ल्याट थिए।हङकङ सरकारका अनुसार बुधबार स्थानीय समयअनुसार २ बजेर ५१ मिनेट जाँदा आगलागी सुरु भएको थियो।

आगलागी नियन्त्रणमा लिगनका लागि हजारौंको संख्यामा अग्निनियन्त्रक खटिएका छन्। पूर्ण रुपमा नियन्त्रणका लागि समय लाग्ने बताइएको छ। उक्त क्षेत्रमा केही व्यक्ति अझै फसेको अनुमान गरिएको छ।