काठमाडौं । पूर्वसभामुख कृष्णबहादुर महरा धरौटी बुझाएर रिहा भएका छन्।

उच्च अदालत पाटनको आदेश अनुसार महराले २० लाख नगद धरौटी बुझाएका हुन् । नक्कली भेप सुन प्रकरणमा पक्राउ परेका महरा काठमाडौं जिल्ला अदालतको पुर्पक्षमा पठाउने आदेशबाट थुनामा थिए ।

उनलाई गत असोज २६ गते नेपाल प्रहरीको केन्द्रीय अनुसन्धान ब्यूरो (सीआईबी) ले पक्राउ गरेको थियो ।

महराविरुद्ध भन्सार छली र संगठित अपराधको कसुरमा मुद्दा दायर भएको हो। ०७९ पुस १० गते फ्लाई दुबईको जहाजमार्फत नेपाल आएका चिनियाँ नागरिक लि हानसोङले २ वटा सुटकेसभित्र ७३ बट्टामा ७३० वटा विद्युतीय चुरोट (भेप) मा सुन ल्याएको पाइएको थियो। उक्त घटनामा अनुसन्धान हुँदै जाँदा महरा पनि तानिएका थिए।