काठमाडौँ । नेकपा (एमाले)को आसन्न ११ औं राष्ट्रिय महाधिवेशनमा सुदूरपश्चिम प्रदेशबाट अनेरास्ववियुका पूर्व नेता केन्द्रीय सदस्यका दावेदार देखिएका छन् ।

अनेरास्ववियुका पूर्व उपाध्यक्षहरु मोती विक, डीबी साउँद, गोविन्द गिरी र पूर्व महासचिव नरेश रोकाया केन्द्रीय सदस्यमा डेब्यु गर्ने तयारीमा रहेका छन् । अखिलबाट अध्यक्ष हुनबाट रोकिएका ती चार जना नेता अहिलेको भने एमालेको केन्द्रीय सदस्य बन्न लागेका हुन् । यसअघि अनेरास्ववियुका पूर्व अध्यक्ष ऐन महर एमाले केन्द्रीय सदस्य बनिसकेका छन् ।

अखिलेको राजनीतिक गरिसकेका ती चारै जना नेताको देशव्यापी राम्रो पकड रहेको बुझिएको छ । तिमध्ये गिरी र रोकाया भर्खरै अखिलबाट विदा भएका नेता हुन भने विक र साउँद अघिल्लो कार्याकालबाट अखिलबाट विदा भएका हुन् । मुलुकमा जेनजी आन्दोलन पछि युवा नेतृत्व खोजिरहेको वेला सुदूरपश्चिमबाट यी नेता यसपटक केन्द्रीय सदस्यमा डेब्यु गर्ने तयारीमा रहेका छन् । देशव्यापी नेटवर्क रहेका ती युवा खुला र ४० बर्ष मुनिबाट केन्द्रीय सदस्यमा बन्न लागेका हुन् ।