धरान ( सुनसरी ) । नेपाली कांग्रेस सुनसरी क्षेत्र नं. १बाट आगामी प्रतिनिधिसभा सदस्य निर्वाचनको लागि आठ जनाको नाम सिफारिस भएको छ ।

पार्टीका कोशी प्रदेश महामन्त्री उमेश थापा, महाधिवेशन प्रतिनिधि चन्द्रशेखर लामा र सन्दीप श्रेष्ठ, क्षेत्रीय सल्लाहकार निर्मला गुरुङ, जिल्ला सचिव माधवबहादुर घिसिङ, केन्द्रीय सदस्य मीनबहादुर विश्वकर्मा, नेपाल महिला सङ्घ जिल्ला सदस्य रुक्मिणी गौतम र महासमिति सदस्य विनोदकुमार राईको नाम सिफारिस गरिएको क्षेत्रीय सभापति सुजेन्द्र तामाङले जानकारी दिए ।

समानुपातिकतर्फ अनुपमा सुनुवार, आनन्द आचार्य, उर्मिला प्रधान, कृष्णकला मादेन, गोविन्द सुब्बा, गोविन्द बस्नेत, विश्वराज भण्डारी, मीना सुब्बा, मीना पुलामी, रामबहादुर परियार, श्यामा रेग्मी, सुवास राई र सचित शर्माको नाम सिफारिस गरिएको छ ।

यसैगरी, राष्ट्रियसभानिर्वाचनका लागि उमा वास्तोला, काशीराम चौधरी, गिरिराज आचार्य, गोविन्द दर्नाल, चन्द्रप्रसाद श्रेष्ठ, जगतबहादुर कार्की, प्रेमप्रसाद पौडेल, भीष्म काफ्ले, लक्ष्मी खतिवडा, हर्ष सुब्बा, हरिनाथ वास्तोला र हेमलाल सुब्बाको नाम सिफारिस गरिएको सभापति तामाङले बताए।