भक्तपुर । शनिबार उज्यालो नेपाल पार्टीको भक्तपुर जिल्ला सभा सम्पन्न भएको छ । जेन जी आन्दोलनका घाइते योद्धा भक्तपुर, मध्यपुर नगरपालिका ३ कौशलटारका श्रेयश न्यौपानेले पानसमा दीप प्रज्वलन गर्नुका साथै बत्तिको चिम बालेर भक्तपुर जिल्ला स्तरीय सभाको उद्घाटन गरेका थिए । उक्त आन्दोलनमा तीन वटा मेटालिक गोलि लागेर बा“च्न सफल युवा हुन् ।

सूर्यविनायकमा सम्पन्न उक्त बृहत जिल्ला भेलाले उज्यालो नेपाल पार्टीको भक्तपुर जिल्ला नेतृत्व जिल्ला संयोजक दुर्गा घिमिरेको संयोजकत्वमा गठन गरेको छ । बहुसांस्कृतिक एकता सहित नयाँ मुलधारको शक्ति बनाउने प्रयासमा आफू लागेको घिमिरेले बताइन् । उज्यालो नेपाल पार्टी विकास र समद्धि दिन सक्ने एउटै पार्टी भएको उनले जिकिर गरिन् । अर्की केन्द्रीय सदस्य सीता पाण्डेले भक्तपुर संस्कृती, प्रकृति र प्रविधिको विकास गरि मुलुककै नमुना जिल्ला हुन सक्ने बताइन् । भक्तपुरको खर्पन परम्परालाई आधुनिकीकरण गर्नमा पार्टीले विशेष जोड दिने बताइन् । ‘माटोका भा“डाहरु नेपाल बाहिरबाट आयात भईरहेको छ । अब त्यो रोकेर भक्तपुरकै उत्पादनहरुलाई देशभर लैजानुपर्छ ।’ पाण्डेले बताईन् ।

यस्तै जेन जी आन्दोलनका घाइते योद्धा श्रेयश न्यौपानेले देश अ“ध्यारो र भ्रष्टाचारको भुमरीमा डुब्न लागेकाले बचाउन सबैले भूमिका खेल्नु पर्ने बताए । उक्त भेलामा उज्यालो नेपाल पार्टीका केन्द्रिय सदस्यहरुको उपस्थिति रहेको थियो ।