काठमाडाैं। विधान महाधिवेशनको निर्णय उल्ट्याउँदै पदाधिकारीको संख्या बढाउने एमालेकाे निर्णयप्रति पार्टी उपाध्यक्ष सुरेन्द्र पाण्डले आपत्ति जनाएका छन् । आइतबार सामाजिक सञ्जालमा एक पाेष्ट लेख्दै उनले पहिले आफैंले घटाएको पदाधिकारी संख्या मनपरी ढंगले बढाइएको भन्दै आपत्ति जनाए ।

‘के हाम्रा विधानहरू अस्थायी हुन् र ? हिजो विधान अधिवेशन अगाडि संख्या घटाऔं भन्ने अनि आज फेरि कोटाका नाममा त्यही संख्या बढाऔं भन्ने ? यो सरासर मनपरी होइन भने के हो?’

उनले विधानलाई चलाउँदा विधान महाधिवेशनको औचित्य सकिने तर्क समेत गरेका छन् ।

‘अहिले आएर दाँया–बाँया गर्ने हो भने विधान अधिवेशनको औचित्य नै समाप्त हुन्छ। यो मनपरीतन्त्रको विरुद्धको लडाइँ जारी छ। पार्टी विधान, विधि र प्रक्रियाअनुसार चल्नु अनिवार्य छ’, पाण्डेले लेखेका छन् ।

यस्ताे छ उनकाे स्टाटस् :

के हाम्रा विधानहरू अस्थायी हुन् र ? हिजो विधान अधिवेशनअगाडि संख्या घटाऔँ भन्ने, अनि आज फेरि कोटाका नाममा त्यही संख्या बढाऔँ भन्ने-यो सरासर मनपरी होइन भने के हो? अहिले आएर दाँया–बाँया गर्ने हो भने विधान अधिवेशनको औचित्य नै समाप्त हुन्छ। यो मनपरीतन्त्रको विरुद्धको लडाइँ जारी छ। पार्टी विधान, विधि र प्रक्रिया अनुसार चल्नु अनिवार्य छ।