काठमाडौँ । नेपाल कम्युनिष्ट पार्टी (एमाले) को ११औँ महाधिवेशनबाट नयाँ नेतृत्व छनोटका लागि अहिले मतदान भइरहेको छ ।

काठमाडौँको भृकुटीमण्डपमा जारी मतदानमा अपराह्न ४ बजेसम्म ७ सय मत खसेको छ । आज बिहान ९ः३० बजेदेखि सुरु भएको मतदानमा ४ बजेसम्म करिब एकतिहाइ मत खसेको हो ।

महाधिवेशनमा एमालेको १९ पदाधिकारीसहित ३०१ सदस्यीय केन्द्रीय कमिटीका लागि ६४२ उम्मेदवार प्रतिस्पर्धामा छन् भने दुई हजार २६३ प्रतिनिधि रहेका छन् ।

अध्यक्षमा वर्तमान अध्यक्ष केपी शर्मा ओली र वरिष्ठ उपाध्यक्ष ईश्वर पोखरेलबीच प्रतिस्पर्धा हुँदैछ । ओली र पोखरेल प्यानलसहित पार्टी नेतृत्वमा प्रतिस्पर्धा गरिरहेका छन् ।