काठमाडाैँ । नेपालका लागि अमेरिकी राजदूत डिआर थम्पसनलाई अमेरीकाले फिर्ता बाेलाएकाे छ ।
जाे बाइडेन राष्ट्रपतिकालमा नियुक्ति भएका थम्पसनलाई डाेनाल्ड ट्रम्प प्रशासनले फिर्ता बाेलाएकाे बुझिएको छ ।

अमेरिकाले एकैचोटी ३० देशमा तैनाथ   आवासीय राजदूतहरुलाई फिर्ता बोलाएको खबर बाहिरिएको छ । ती मध्ये धेरै समयावधि सकिएका र केही बाँकी रहेका परेका छन् ।
डोनाल्ड ट्रम्प प्रशासनले युरोप, अफ्रिका, मध्यपूर्व र दक्षिण एसियाली मुलुकबाट राजदूत फर्काएको हो ।

अमेरिकी सहयाेगमा विश्वमा जेन जी आन्दोलन भएका नेपाल, श्रीलंका, माडागास्कर, फिलिपिन्सलगायत मुलुकका राजदूतलाई फिर्ता बोलाउने निर्णय आफैमा अर्थपूर्ण रुपमा लिइएको छ ।
कतिपय कुटनैतिक जानकारले अन्य देशकाे आन्तरिक मामिलामा हस्तक्षेप नगर्न ट्रम्प नीति विपरीत यी देशमा आएका राजदूतहरुले बाइडेनकालिन नीति अनुरप जेनजी आन्दोलनमार्फत हस्तक्षेप गरेको आरोप लगाउने गरेका छन् ।
फिर्ता हुने लटमा बुरुन्डी,क्यामरुन,केप भर्डे, ग्याबोन,कोट द आइभोर,माडागास्कर, मौरिसस,नाइजर,नाइजेरिया,र्वाण्डा, सेनेगल,सोमालिया र युगान्डामा कार्यरत कूटनीतिज्ञहरु छन् । 

त्यस्तै एशिया प्रशान्त क्षेत्रका फिजी, लाओस,पपुआ न्यू गिनी,फिलिपिन्स, भियतनाम तथा दक्षिण एसियाबाट नेपाल र श्रीलंका पनि घानमा परेका छन्  । युरोपका आर्मेनिया,उत्तर म्यासेडोनिया,मोन्टेनेग्रो र स्लोभाकियाबाट समेत राजदूतलाई फिर्ता हुन भनिएको छ ।