काठमाडाैं । आगामी प्रतिनिधि सभा सदस्यको निर्वाचनका लागि अहिलेसम्म ९ दलले समानुपातिक उम्मेदवारको सूची बुझाएका छन्। निर्वाचन आयोगका अनुसार बन्दसूची बुझाउने अन्तिम दिन सम्ममा ९ दलले मात्रै सूची पेश गरेका हुन् ।

सोमबार रातिसम्म समानुपातिक सूची बुझाउनेमा नेपाल मजदुर किसान पार्टी (नेमकिपा), नेपाल लोकतान्त्रिक पार्टी, राष्ट्रिय जनमोर्चा, जनप्रिय लोकतान्त्रिक पार्टी, नेकपा (पुष्पलाल), गतिशील लोकतान्त्रिक पार्टी, जसपा नेपाल, समावेशी समाजवादी पार्टी, समावेशी समाजवादी पार्टी नेपाल छन्।

नेपाली कांग्रेस, नेकपा एमाले, नेपाली कम्युनिस्ट पार्टी, राष्ट्रिय स्वतन्त्र पार्टी (रास्वपा) लगायतका केही दलले भने निस्सा लिएर गएकाे आयाेगले जानकारी दिएकाे छ ।