काठमाडाैं । राष्ट्रिय स्वतन्त्र पार्टी कार्यालय पुगेका बालेन्द्र शाह (बालेन) केहीबेरमै फर्किएका छन्। आइतबार दिउँसो काठमाडाैंकाे मेयरबाट राजीनामा दिएर बालेन बनस्थलीस्थित केन्द्रीय कार्यालय घन्टीघर पुगेका थिए ।

बालेन रास्वपा कार्यालय जाँदा वनस्थली क्षेत्रमा हजारौंको संख्यामा समर्थक र शुभेच्छुकहरूको बाक्लाे उपस्थिति थियो।

उनलाई पार्टी कार्यालयमा सभापति रवि लामिछानेले स्वागत गरे । स्वागतपछि सभापति लामिछाने र बालेनले संयुक्त रूपमा ‘घण्टी घर’ मा रहेको घण्टी बजाएका थिए। त्यसपछि बालेन-रविले एकअर्कालाई अंकमाल गरे । र बालेने समर्थकलाई अभिवादनसँगै फ्लाइङ किस दिए ।

त्यसपछि आफ्नो कार्यकक्षमा पुगेर बालेनले रास्वपाका वरिष्ठ नेताका रुपमा पदभार ग्रहण गरेका थिए । लगत्तै उनी बाहिरिए ।

करिब १० मिनेट बसेका बालेन समर्थकलाई सम्बोधन नगरी कार्यालयबाट बाहिरिएका हुन् । उनी आजै जनकपुर जाने कार्यक्रम रहेको रास्वपा स्राेतले जानकारी दिएकाे छ ।