काठमाडौँ — काठमाडौं क्षेत्र नम्बर १ मा ८ हजार मत गन्न बाँकी रहँदा राष्ट्रिय स्वतन्त्र पार्टीकी रञ्जु न्यौपाने (दर्शना) विजयी नजिक पुगेकी छन् । 

अहिलेसम्म २३ हजार २ सय २७ मतगणना गरी सकिएकोमा रास्वपाकी दर्शनाले १२ हजार ८ सय ४२ मत पाएकी छिन् । उनका प्रतिस्पर्धी नेपाली कांग्रेसका प्रबल थापाले ५ हजार २ सय १६ मत पाएका छन् ।

अब १३ वटा मतदान केन्द्रको ८ हजार मत गन्न मात्र मत गन्न बाँकी रहेको छ । दुई घण्टा भित्र अन्तिम मत परिणाम आउने बताइएकाे छ ।