कैलाली । यही फागुन २१ गते प्रतिनिधिसभा सदस्यका लागि भएको निर्वाचनअन्तर्गत कैलाली क्षेत्र नं–४ को मतगणना सुरु भएको छ ।

निर्वाचन अधिकृत हरिप्रसाद आचार्यका अनुसार सर्वदलीय बैठक बसेपछि कैलालीको गेटास्थित निर्वाचन अधिकृतको कार्यालयमा मतगणना सुरु भएको हो । मतगणना गोदावरी नगरपालिका–१ बाट थालिएको उनले जानकारी दिए ।

कैलाली–४ मा कुल एक लाख १५ हजार १४३ मतदाता रहेकामा ६३ हजार ३४ जनाले मतदान गरेका थिए । सो क्षेत्रमा ५४.७४ प्रतिशत मत खसेको थियो ।

कैलाली–४ मा नेपाली कांग्रेसबाट गोरखबहादुर बिष्ट (आनन्द), नेपाल कम्युनिष्ट पार्टी (नेकपा) बाट लेखराज भट्ट, राष्ट्रिय स्वतन्त्र पार्टी (रास्वपा) बाट खेमराज कोइरालालगायत उम्मेदवारले चुनाव लडेका छन् ।