काठमाडौं । नेकपा एमालेका अध्यक्ष केपी शर्मा पक्राउको विरोधमा एमालेका कार्यकर्ताले गरेको प्रदर्शनको कारण माइतीघर, बबरमहल क्षेत्र अहिले तनावग्रस्त भएको छ ।

पार्टी अध्यक्ष ओलीलाई प्रहरीले आज बिहानै गिरफ्तार गरेको थियो । त्यसको विरोधमा एमालेका २३ जनसंगठनहरूले एकीकृत रुपमा माइतीघरमा प्रदर्शन गरेका हुन् ।

प्रदर्शनकारीहरू निषेधाज्ञा तोडेर नयाँ बानेश्वरतर्फ अघि बढेपछि प्रहरीले धरपकड सुरु गरेको छ । यसक्रममा माइतीघर क्षेत्र तनावग्रस्त बनेको छ  ।

प्रदर्शनकारी माइतीघर मण्डलाबाट घेरा ताेडेर नयाँबानेश्वरतर्फ अगाडि बढ्न खोज्दा प्रहरीले बबरमहलस्थित जिल्ला अदालत अगाडि रोक्न खोजेको थियो । त्यसक्रममा थप झडप भएको हो । अहिले अवस्था तनावग्रस्त छ ।