वीरगन्ज । प्रधानमन्त्री कप एकदिवसीय राष्ट्रिय क्रिकेट प्रतियोगिताअन्तर्गत मंगलबार (चैत १७) को खेलमा नेपाल पुलिस क्लबले कोसी प्रदेशलाई ६ विकेटले पराजित गरेको छ ।

वीरगन्जको नारायणी रंगशालामा भएको खेलमा सुरुआती ब्याटिङ गरेको कोसीले ४२ दशमलव पाँच ओभरमा सबै विकेट गुमाउँदै १६२ रन जोडेको थियो ।

कोसीका सुजन थपलियाले ४८ रन र सुमन श्रेष्ठले ४३ रन जोडेका थिए । पुलिसका दिनेश खरेलले पाँच विकेट र सागर ढकालले दुई विकेट लिए ।

जवाफी ब्याटिङमा उत्रिएको पुलिसले ३३ दशमलव पाँच ओभरमा चार विकेटको क्षतिमा १६५ रन जोड्यो ।

पुलिसको जितमा मोहम्मद आरिफ शेखले ८१ रन, रसिद खानले ७३ रन जोडे । कोसीका विपिनकुमार महतोले दुई विकेट र दीपेश कँडेलले एक विकेट लिए ।

आजको खेलमा पुलिसका दिनेश खरेल ‘म्यान अफ दी म्याद’ घोषित भएका छन् ।

प्रतियोगितामा तीन विभागीय टोली नेपाल पुलिस क्लब, त्रिभुवन आर्मी क्लब र नेपाल एपीएफ क्लब र सात प्रदेशका गरी १० टोलीको सहभागिता छ । प्रतियोगिताका विजेताले १० लाख र उपविजेताले पाँच लाख पुरस्कार प्राप्त गर्नेछन् ।