काठमाडाैं । नेपाली कांग्रेसले पूर्वउपसभापति पूर्णबहादुर खड्कालाई स्पष्टीकरण सोध्ने निर्णय गरेको छ।

केन्द्रीय अनुशासन समितिको बुधबार बसेको बैठकले बारम्बार सचेत गराउँदा समेत गल्ती दोहोर्याएको भन्दै ७ दिने स्पष्टीकरण सोध्ने निर्णय गरेको हो।

समितिका संयोजक तारामान गुरुङको अध्यक्षतामा बसेको बैठकले खड्कालाई पार्टी विधान विपरीत कार्य गरेको आरोपमा ७ दिनभित्र स्पष्टीकरण पेश गर्न निर्देशन दिइएको छ।

‘नेपाली कांग्रेस केन्द्रीय अनुशासन समितिको मिति २०८२/१२/१८ गतेको निर्णयानुसार विभिन्न संचार माध्यम तथा सामाजिक संजालहरूमा नेपाली कांग्रेसको नक्कली लेटरप्याड बनाएर प्रयोग गरी आफूसँग नभएको जिम्मेवारी उल्लेख गर्दै आफू पार्टीको जिम्मेवारीमा छु भनी मिति २०८२ चैत्र १४ गते अनाधिकृत बक्तब्य जारी गर्ने कार्य गलत भएकोले एक पटकका लागि सचेत गराउने निर्णय भएको थियो,’ अनुशासन समितिले भनेको छ।