काठमाडौं । प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालबीच भेटवार्ता भएको छ ।

उनीहरुबीच केही समयदेखि बालुवाटारमा छलफल जारी रहेको स्रोत बताउँछ । स्रोतका अनुसार स्थानीय तह चुनाव, एमसिसीलगायत विषयमा छलफल भएको छ । उक्त छलफलमा गृहमन्त्री बालकृष्ण खाण र सञ्चार मन्त्री ज्ञानेन्द्रबहादुर कार्की पनि सहभागी छन्।

प्रधानमन्त्री देउवाले निर्वाचन आयोगका पदाधिकारीहरूसँग जेठ ४ मा स्थानीय चुनाव गर्ने बताएका थिए। प्रधानमन्त्री देउवाले उक्त आयोगको पदाधिकारीहरुले राखेको प्रस्ताबका विषयमा अब बस्ने मन्त्रिपरिषद बैठकमा छलफल गरेर स्थानीय चुनावको मिति तोक्ने बताएका थिए । । पछिल्लो समय एमसिसी संसदमा पेश गर्ने विषयलाई लिएर राजनीति तरंगित भएको छ।