काठमाडौं । दुबईबाट काठमाडौं फर्केका एकजनाले मलद्वारमा लुकाएर १ किलो ५५ ग्राम सुन ल्याएको भेटिएको छ ।

सिन्धुपाल्चोकको भोटेकोशी गाउँपालिका घर भएका ३९ वर्षका दावाछिरिङ शेर्पा सुनसहित पक्राउ परेका हुन् ।

बुधवार उनी एयर अरेबियाको विमानमार्फत काठमाडौं आएका थिए । उनको शरिरबाट बेलनाकार बनाएको अर्धठोस सुन त्रिभुवन विमानस्थल सुरक्षा कार्यालयले पक्राउ गरेको छ । दुवईबाट सुन लिएर आएका अन्य दुई जनालाई पनि विमानस्थल प्रहरीले पक्राउ गरेको छ ।