काठमाडौँ । कोरोना भाइरस (कोभिड–१९) संक्रमण नियन्त्रणका लागि काठमाडौँ उपत्यकामा लगाएको जोर विजोर प्रणाली हटेको छ । सवारी साधनमा लागू गरिएको जोर बिजोर प्रणाली आजदेखि हटेको हो ।

आइतबार बसेको काठमाडौँ उपत्यकाका तीन जिल्लाका प्रमुख जिल्ला अधिकारीको बैठकले सवारी साधनमा लगाइएको जोर बिजोर प्रणाली हटाउने निर्णय गरेको हो । आइतबार राति १२ बजेदेखि लागू हुने गरी सो प्रणाली हटाइएको काठमाडौँका प्रमुख जिल्ला अधिकारी गोविन्दप्रसाद रिजालको हस्ताक्षर गरेको सूचनामा जनाइएको छ ।

कोरोना संक्रमितको संख्या बढ्दै गएपछि उपत्यकामा जोर बिजोर प्रणाली लागू गरिएको थियो ।