राष्ट्रिय प्रजातन्त्र पार्टी (राप्रपा)को पदाधिकारी बैठक सुरु भएको छ । पार्टीको केन्द्रीय कार्यालय धुम्बाराहीमा बैठक सुरु भएको हो ।

बैठकमा अध्यक्ष राजेन्द्र लिङ्देन, पार्टीका निवर्तमान अध्यक्षद्वय पशुपतिशमशेर जबरा र डा. प्रकाशचन्द्र लोहनी, उपाध्यक्षहरू बुद्धिमान तामाङ, विक्रम पाण्डे, रोशन कार्की, महामन्त्री डा. धवल शमशेर राणालगायतका नेताहरू सहभागी भएका छन् । बैठकमा समसामयिक राजनीतिको समीक्षा र स्थानीय तहको निर्वाचनबारे छलफल गर्ने भएको छ ।

राप्रपाका निवर्तमान अध्यक्ष कमल थापाले गत मंगलबार पार्टी परित्यागको घोषणा गरेपछि यो पहिलो बैठक बस्ने भएको हो ।