काठमाडौं । युवा खेलाडी इसान किसान १५औं संस्करणको इन्डियन प्रिमियर लिग ९आईपीएल० टी–ट्वान्टी क्रिकेटका लागि जारी अक्सनमा सबैभन्दा महंगो मूल्यमा बिक्री भएका छन् ।

मुम्बई इन्डियन्सले इसान किसानलाई १५ करोड २५ लाख रुपैयाँमा यस संस्करणको आइपीएलका लागि टीममा खरिद गरेको हो ।

दुई करोडको आधार मूल्य तय गरिएकोमा उनलाई आफ्नो टीममा लिन सनराइजर्स हैदराबाद, गुजरात टाइटन्स, पञ्जाब किंग्सले बोली लगाएका थिए ।

तर, अन्त्यमा उनलाई आईपीएलमा डेब्यू गराएको टीम मुम्बई इन्डियन्सले नै खरिद गरेको हो । मुम्बईले कुनै खेलाडीका लागि १० करोडभन्दा बढीको मूल्यमा किनेको यो पहिलो पटक हो ।

किसान अघि कोलकात्ता नाइट राइडर्सले श्रेयस अय्यरका लागि १२ करोड २५ लाख रुपैयाँमा खरिद गरेको थियो । अय्यर यसअघि दिल्ली क्यापिटल्सबाट खेल्दै आएका थिए ।