काठमाडौं । चार देशीय टी–२० सिरिजको अन्तिम खेलमा नेपाल आयरल्याण्डसँग १७ रनले पराजित भएको छ ।

टस जितेर फिल्डिङ रोजेको नेपालले बलिङमा उत्कृष्ट प्रदर्शन गर्दै आयरल्याण्डलाई १ सय २८ रनमा समेटे पनि ब्याटिङमा राम्रो प्रदर्शन गर्न नसक्दा नेपाल पराजित हुन पुग्यो ।

१२८ रनको झिनो लक्ष्य पछ्याएको नेपालले २० ओभरमा ९ विकेट गुमाएर १ सय ११ रन मात्र जोड्न सक्यो ।

दीपेन्द्र सिंह ऐरीले २८ रन जोड्दा आसिफ शेखले २३ रन जोडे भने कुशल भुर्तेलले १५ र कमल ऐरीले १३ रन जोडे । नेपालका अन्य ब्याट्सम्यानहरुले दोहोरो अंक जोड्न सकेनन् ।

फिल्डिङतर्फ दीपेन्द्र सिंह ऐरीले उत्कृष्ट प्रदर्शन गर्दै ४ विकेट लिएका थिए ।

यसअघि आयरल्यान्डले दुई खेल खेलेकोमा एक खेलमा जित र एक खेलमा हार ब्यहोरेको थियो ।

आयरल्यान्ड पहिलो खेलमा ओमानसँग र दोस्रो खेलमा युएईसँग पराजित भएको थियो ।

नेपालले फागुन ६ गतेदेखि ओमानमै हुने छनोटमा प्रतिस्पर्धा गर्नेछ ।