काठमाडौँ । निर्वाचन आयोगले स्थानीय तह निर्वाचनको आचारसंहिता तयार पारेको छ । आयोगले आज विहिबार आचारसंहितालाइ अन्तिम रुप दिएको हो । आयोगका सवै पदाधिकारीले आचारसंहिता टुग्गो लगाई हस्ताक्षर गरेका छन् । आचारसंहितामा स्थानीय तहको निर्वाचनमा उम्मेदवार हुन सरकारी पेश्की र बेरुजू फर्स्योट गरेको हुनुपर्ने प्रावधान राखेको छ ।

आचार संहिताको बुँदा नम्बर ४६ मा भनिएको छ- उम्मेदवारले आफू निर्वाचित वा मनोनित वा नियुक्त भएको निकायको कुनैपनि प्रकारको पेश्की फर्स्योट गरेको हुनुपर्ने छ ।

त्यस्तै लेखापरीक्षणबाट उम्मेदवार हुने व्यक्तिको नाममा बेरुजू देखिएमा फर्स्योट गरेको हुनुपर्ने छ ।

त्यस्तै आयोगले टुग्गो लगाएको आचारसंहिता अनुसार, उम्मेदवार हुने व्यक्तिले स्थानीय तहको पदाधिकारीबाट राजिनामा दिनुपर्ने प्रावधान पनि संहितामा राखेको छ । आचार संहिताको बुँदा नम्बर ३६ मा भनिएको छ – कुनै स्थानीय तह वा स्थानीय तहको स्वामित्व, नियन्त्रणमा रहेको, स्थानीय तहबाट अनुदान प्राप्त संस्ठामा सुविधा वा पारिश्रमिक पाउने गरी वहाल रहेका निर्वाचित र मनोनित पदाधिकारीले स्ठानीय तहको निर्वाचनमा उम्मेदवारको मनोनयन दर्ता गर्नु अगावै वहाल रहेको पदबाट राजिनामा गर्नुपर्ने छ ।