काठमाडौँ । ओमनमा जारी आइसीसी टी २० ग्लोबल क्वालिफायरमा आज नेपालले दोस्रो खेलमा फिलिपिन्ससँग खेल्दै छ । मस्कटस्थित अल अमेरात रंगशालामा हुने खेल नेपाली समयअनुसार बिहान पौने १२ बजेदेखि हुने छ ।

नेपालले पहिलो खेलमा शुक्रबार घरेलु टोली ओमानलाई ३९ रनले पराजीत गरेको थियो । ग्लोबल क्वालिफायरको नवआगन्तुक टोली फिलिपिन्सले शुक्रबार क्यानडासँग ११८ रनको हार ब्यहोरेको थियो । फिलिपिन्सलाई हराए नेपालले सेमिफाइनल यात्रा करिब निश्चित गर्ने छ ।

प्रतियोगितामा सहभागी नेपाल र क्यानाडाले आफू अनुकूल नतिजा निकाले यो समूहबाट सेमिफाइनलमा पुग्ने टोलीको टुंगो आजै लाग्ने छ । ग्लोबल क्वालिफायर ‘ए’मा रहेका ८ टोलीलाई दुई समूहमा बाँडेर प्रतियोगिता भइरहेको छ ।

अर्को समूहमा यूएई, आयरल्याण्ड, जर्मनी र बहराइन छन् । दुई समूहको शीर्ष दुई टोलीले सेमिफाइनल खेल्ने छन् ।